Greinilegt að sumarið er komið - helsta merki þess er að það er komið gott veður og ég vinn þá eins og brjálæðingur. Hefur verið helsta merki þess að það sé komið sumar síðustu árin. Kom heim úr vinnunni áðan og var úti að njóta síðustu sólargeisla dagsins og aðeins að spjalla við pabba þegar "uppáhalds" nágranninn kemur að spjalla við okkur líka. Áður en ég veit af þá er hann farinn að dansa fyrir okkur .................. verð að viðurkenna að ég þurfti að halda í mér hlátrinum. Frekar fyndin sýn að sjá næstum sjötugan kall hoppandi og skoppandi fyrir framan mann. Sem betur fer fór hann áður en ég sprakk úr hlátri. Hef alltaf vitað að sumt fólk er spes en vá....... ég hélt jafnvel að þreytan væri farin að segja svona mikið til sín en fyrst að pabbi sá þetta líka þá veit ég að þetta gerðist. Gott að nágrannarnir geta fengið mann til að brosa :)

Klaufabárður

Held að ég þurfi að skipta um nafn ...... held að ég ætti að taka upp nafnið Bárður, Klaufabárður........ tókst að skera mig aftur á hníf í eldhúsinu. Búin með 3 af 5 puttum á vinstri hendi. Er allavegana búin að segja starfi mínu í eldhúsinu lausu þori ekki að fórna fleiri puttum. Greinilegt að það var ekki kennt að beita hnífum í verkfræðinni :o)

Gleðilega páska....

Held að ég elski páskafríið .... vildi bara að það væri aðeins lengra :o) Þá hefði ég lengri tíma til að borða páskaeggin mín - úff er komin með í magann af öllu súkkulaðiátinu í dag. En hvers vegna hámar maður allt í sig á einum degi, hversu heimskulegt er það. Maður treður í sig af súkkulaði og einstaka mjólkusopa inn á milli þangað til maður engist um af magaverkjum, þá fyrst kemur sú hugsun upp að kannski ætti maður að stoppa í smá stund.

Til þess að ég þurfi að gera sem minnst í þessu páskafríi þá gerði ég heiðarlega tilraun til þess að skera af mér tvo putta í gær. Tókst ekki betur en svo að ég er með tvo vel plástraða fingur á vinstri hendi - ekkert alvarlegt en það blæddi samt alveg nóg úr þessu. Verð nú samt að viðurkenna að ég mæli ekkert sérlega mikið með þessari aðferð til að liggja og gera ekki neitt........

Diskó Friskó....

Hvernig væri að diskó tíminn kæmi aftur í tísku - held að það myndi gera lífið skemmtilegra, að minnsta kosti yrði það litríkara. Allavegana miðað við þá búninga sem fólk kom í í afmælispartýið okkar Kristínar síðustu helgi. Það skemmtilegasta við þetta var að nánast allir mættu í búning og tóku þátt í gleðinni með okkur. Langar að nota tækifærið og þakka öllum sem komu fyrir komuna og takk fyrir mig. Læt fylgja eina mynd af okkur fögru litlu diskódísunum :)

Long time no hear.....

Þá er maður búinn að prófa að skíða í hinni stóru ameríku. Gekk mjög vel þrátt fyrir svart útlit í byrjun ferðar, ég hölt og Óli veikur. Það var haltur sem leiddi blindann á leiðinni út í vél, en eftir að hafa andað að okkur ameríska fjallaloftinu í nokkra daga þá var skíðað alveg villt og galið. Það er svo fyndið hvað kaninn er mikið fyrir small talk. Allir byrja að spjalla við mann eins og þeir hafi rosalegan áhuga á að kynnast manni. Fólkið sem var með manni í lyftunni, leigubílstjórar og bara allir. Svo eru allir svo kurteisir, t.d. lyftuverðirnir óskuðu manni góðrar ferðar þegar maður settist í lyftuna. Þeir spurðu líka alltaf hvernig maður hefði það, stundum sundu þeir fyrir mann. Eitthvað aðeins annað en lyftuverðir á Íslandi sem yfirleitt garga á fólk því Íslendingar kunna ekki að vera 4 saman í röð til að fara í stólalyftuna.

Um leið og fólk komst að því að maður var frá Íslandi þá heyrðist yfirleitt:
"You really made the news"
"Do you have any money left in the country?" (með mikilli samúð í röddinni)

Svo var einn leigubílstjóri sem spurði bara hvernig þetta gerðist eiginlega......humm hvernig útskýrir maður hrun hagkerfisins í stuttu máli fyrir einhverjum sem veit ekkert um Ísland og líka þegar maður veit kannski ekki alveg sjálfur hvað gerðist.....

Held að ég ætti að breyta nafninu mínu í Bárður því ég er algjör klaufabárður þessa dagana. Byrjaði á byltunni minni í skíðabrekkunni og þar með fór hnéð í klessu. Svo geri ég ekki annað en að reka mig í, dúndra vitlausa beininu í, missi hluti og svo framvegis........ vonandi fer þessi óheppni mín minnkandi með hækkandi sólu. Ætli þetta sé árstíminn eða bara sú staðreynd að ég braut spegil í fyrra, humm ætli það séu þá 6 ár eftir af þessu..... úff púfff......

Ég þekkti einu sinni fatlafól.......

Núna er ég búin að vera fatlafól í viku og það fer mér engan veginn.... þoli ekki að komast svona hægt áfram, ég tek yfirleitt framúr fólki þegar það er að ganga um gangana í vinnunni en núna taka allir fram úr mér. Var með tvær hækjur í einn dag, það var alveg nóg - þær gerðu ekki annað en að þvælast fyrir mér og mér fannst ég vera gjörsamlega ósjálfbjarga, eitthvað sem ég þoli ekki. Ég er að vinna í húsi sem er 4 hæðir og ég er staðsett á þeirri þriðju, en sem betur fer er lyfta í húsinu því annars tæki það mig allan daginn að fara í og úr mat. En hingað til hef ég aldrei notað lyftuna áður enda ekki lengi að labba upp á 3.hæð og maður hefur bara gott af því. Mér finnst eins og allir sem ég vinn með geri það sama og velji alltaf stigann, en hins vegar hef ég tekið eftir því að alltaf þegar ég ætla að fara í lyftuna þá er hún á annarri hæð en hún var síðast sem þýðir að það er fullt af fólki sem ferðast með lyftunni. Held reyndar að það séu letingjarnir á 4.hæðinni sem nenna ekki að labba upp;) Ég hélt bara að nú til dags þegar það er hamrað á því hversu holl hreyfing er að allir myndu velja stigann í staðinn fyrir lyftuna þegar tækifæri gefst ....... en sem betur fer styttist í að ég geti hætt að taka lyftuna og farið að hlaupa upp og niður stigana aftur. Það er ekki alveg minn tebolli að vera svona hægfara en þetta er nú allt að lagast. Verð farin að hlaupa 10km áður en ég veit af ;o)

En annað sem ég hef tekið eftir er að þegar maður er svona meiddur þá eru allir tilbúnir að aðstoða mann, opna fyrir mann hurðir, halda á dótinu manns, færa manni eitthvað að drekka o.s.frv. - greinilegt að fólk er alveg ágætt inn við beinið, hehe..... nei ég segi nú bara svona en það góða í fólki kemur í ljós þegar einhver þarf á hjálp að halda. Ég gerði reyndar tilraun til þess að slasa einn vinnufélaga minn í vikunni, tókst næstum því. Ég alveg óvart lokaði skápahurð á hausinn á honum og hann varð hálfvankaður eftir það, ehemmm ég sá ekki hvar hann var staddur og ætlaði að loka skápnum og drífa mig svo áfram eins og venjulega en allt í einu var einhver fyrirstaða og skápurinn lokaðist ekki....... greyið fékk næstum gat á hausinn. Hann hélt að ég væri bara að reyna að fá einhverja fleiri með mér í slasaða liðið ;) Þannig að passið ykkur á mér........