Föstudagur er besti dagur vikunnar ekki bara af því að þá eru vísindaferðir heldur líka af því að þá eru engin heimadæmi fyrir morgundaginn og Idolið er í kvöld. Idolið er náttúrulega bara til þess að fá mann til að hlæja:) Hefur verið það hingað til. En svo er spurning hvort að maður fái sjá einhverja íslendinga gráta á sviði þegar keppnin byrjar af alvöru. Þá verður þetta kannski eins og þegar ameríkanarnir eru að gráta í sjónvarpinu.
Eins og til dæmis í Bachelor sem ég horfði nú á í gær og hvað er málið að fara að grenja út af öllu. Þessar gellur eru flestar á aldrinum 21-24 og halda allar að þær séu komnar á síðasta söludag og verði því að ná í þennan gaur. Hjá þeim sem tapa þá er þetta náttútulega allt búið.

Er ekki samt málið að fara á OktóberFest í kvöld og reyna að fá smá þýska stemningu beint í æð. Fyrir ykkur sem ekki vitið þá er þetta snilldar festival á túninu fyrir framan aðalbyggingu háskólans.
Sjáumst vonandi hress og kát þar í kvöld.
Prost = skál ;)