Það eru frekar dimmir dagar núna en samt bara úti, ég er eitt sólskinsbros:) Já fín helgi að baki, hún byrjaði kannski ekkert allt of vel. Ég fór í próf á föstudaginn og ég held að ég hafi aldrei verið jafn stressuð fyrir próf áður og þar af leiðandi fannst mér að mér hefði ekki gengið neitt allt of vel. Á laugardaginn fór ég síðan í brunch til frænku minnar og át auðvitað gjörsamlega yfir mig og var varla búin að ná mér eftir það þegar það var kominn tími til að halda í næsta boð. Okkur Óla var nebbla boðið í jólahlaðborð í vinnunni hans. Þar borðaði maður ekkert minna og uhmmm það var svo góður maturinn. Svo var aðeins kíkt á djammið eftir allt átið. Sunnudagurinn var mjög góður þar sem að við ákváðum að gera akkúrat ekki neitt:) Þannig að ég gat mætt vel úthvíld í skólann í morgun til þess að byrja að læra undir síðasta prófið þetta árið. Ætli það sé þá ekki líka best að halda áfram svo manni verði nú eitthvað úr verki.

Allt er nú til.....en hver vill ekki eiga svona, ég bara spyr?

Í gærkvöldi hringdi í mig sölumaður, ég þoli ekki þegar sölumenn hringja í mig - ég þoli nebbla ekki símasölu, so sorry. En þetta símtal í gærkvöldi endaði á því að ég skemmti mér konunlega:) Þetta var sem sagt sölumaður frá bílasölu hér í bæ. Hann var að reyna að gera mér ómótstæðilegt tilboð sem fól í sér að ég fengi senda heim bæklinga og upplýsingar um nýja bíla frá þeim. Jú jú það sakar ekkert að fá bæklinga til að skoða en svo sagði þessi góði sölumaður að ég gæti síðan komið með bílinn minn og fengið hann þrifinn og fengið ástandsskoðun á honum. Síðan myndi þeir gera mér tilboð sem fæli í sér að ég myndi kaupa af þeim nýjan bíl og þeir tækju gamla bílinn upp í. Svo spyr þessi góði maður á hvernig bíl ég keyri um á, ég hugsaði mig aðeins um en ákvað að segja sannleikann og sagði honum að ég ferðast um götur borgarinnar með stórum gulum strætó:) Aumingja sölumaðurinn vissi ekki alveg hvað hann átti að segja næst, en ég hló alveg eins og vitleysingur og skemmti mér konunlega yfir vandræðagangi hans.