Ríkey

miðvikudagur, apríl 28, 2004

Það er svvooooo gott veður. Fórum líka áðan nokkrir lestrarhestar í gönguferð sem endaði að sjálfsögðu með því að við keyptum okkur ís. Uhmmm að borða ís í sólinni, hvað er betra?? Fyrir utan það að við þurftum svo að drífa okkur aftur inn að læra en hei við fengum okkur ís. Eins og þið sjáið þá er þetta búið að vera mjög viðburðarríkur dagur hjá mér miðað við að maður sé í prófum, hahaha.......eða ekki:)

Vei var að fá fyrstu einkunnina og bara næst hæst í bekknum;) Þetta gerist nú ekki oft. Þetta er einkunnin fyrir verkefnið sem ég var að gera í síðustu viku þannig að það borgaði sig greinilega að vaka í sólarhring, þó að ég mæli ekki með því. Vei er ekkert smá ánægð. Mjög gott að fá svona egóbúst daginn fyrir fyrsta prófið, veitir nú ekki af. En best að fara þá að læra aftur svo að maður verði nú svona ánægður með allar einkunnirnar;)

mánudagur, apríl 26, 2004

Allt þetta verkefna vesen er núna búið og bara að bíða eftir að elskulegu prófin byrji.
Fór í grillveislu á föstudagskvöldið og ákvað að vera bara á bíl. Það er mjög langt síðan að ég hef hlegið jafn mikið og þarna. Strákarnir fóru hreinlega á kostum eftir allar þessar rauðvínsflöskur sem þeir drukku. Skutlaði svo strákunum í bæinn og náði þá í Óla, sem gekk kannski ekki alveg beint. Mjög fyndið að sjá það;) Byrjaði svo seint á laugardaginn að læra undir prófin, hélt svo áfram í gær og það verður það eina sem er á dagskránni næstu 3 vikur eða svo. Eftir það tekur við 3 vikna útskriftarferð, þ.a. ef að þið sjáið mig ekkert næstu 6 vikurnar þá er góð ástæða fyrir því;) En varmafræðin og orkuferli bíða mín.........

fimmtudagur, apríl 22, 2004

Jæja krúttin mín núna er sólin komin upp og kominn nýr og betri dagur og lok skýrslunnar nálgast;) Vei það er gaman en núna er ég búin að vera vakandi allt of lengi. Ég og Bleiki vorum að koma úr göngutúr af ganginum hérna í VR2, vorum að reyna að sjá sólina vakna en allt of mikið af húsum og veggjum sem komu í veg fyrir að við sæjum neitt, bara geislana á perlunni. En meiri skýrsla.....

Gleðilegt sumar elskurnar mínar. Já það er sumardagurinn fyrsti í dag. Einungis er þó bara liðnar 15 mínútur af þessum fyrsta degi sumars og já ég er í skólanum. Það er svo gaman að ég er ekki ein hérna, nei hér eru alls 6 stykki brjálaðir verkfræðinemar að rembast við að klára lokaverkefnin sín fyrir klukkan tólf á hádegi. Þetta er nú góð stemming í augnablikinu en stefnir í þreytta og sveitta nótt;)
En skýrslan skrifar sig víst ekki sjálf svo að back to work....
nei hey ég gleymdi að segja frá fótboltamótinu... það var sem sagt síðasti fótboltatíminn hjá okkur stelpunum á þriðjudaginn. Það var því skipt í lið og hvert lið var í búningum og keppt var til verðlauna. Auðvitað vann mitt lið enda þvílíkur hópandi, töpuðum engum leik en gerðum nokkur jafntefli. En hey skýrslan bíður.....

þriðjudagur, apríl 20, 2004

Sum fólk er bilaðra en annað. Það sést greinilega að e-bay virkar voða vel..........
En svo eru líka til hetjur sem vilja ekki fá borgað fyrir að vera hetjur.
En nú styttist í að ég eigi að skila STÓRA verkefninu mínu og taugarnar eru aðeins farnar að titra........... aðeins tveir dagar í skýrsluskil og þrír í vörnina á verkefninu. Þannig ef að þú hittir mig á föstudaginn þá verð ég örugglega mjög kát. Nú ef ekki þá hefur allt gengið hræðilega og þá myndi ég ekkert vera að tala við mig;)

mánudagur, apríl 19, 2004

Á föstudaginn átti ég pantaðan tíma í nudd, heilnudd. Fyrsta skipti sem ég var að fara í nudd. En greinilega gleymdi ég að kveikja á heilanum um morguninn því að 10 mínútum áður en að ég átti að mæta fattaði ég að ég hafði gleymt gjafabréfinu heima (Óli gaf mér nuddið í afmælisgjöf). Ég hringdi í Óla og hann sagði mér að segja bara númerið á gjafabréfinu og sýna skilríki. Ég keyrði af stað og fann stæði beint fyrir utan Baðhúsið. Þar sem að ég var nú alveg að verða of sein þá var best að drífa sig og ætlaði að kippa veskinu mínu með til að geta sýnt skilríkin en nei ég greip í tómt......ekkert veski gleymdi því líka heima. En ákvað að drífa mig inn og athuga hvort að ég þyrfti að sýna eitthvað sem segði að ég væri ég. Þegar ég kom inn þá var konan að segja við aðra að ég væri ekki komin og sagði svo hvað ég héti. Þá gargaði ég þar sem að ég var að klæða mig úr skónum að ég væri að koma, konurnar héldu að ég væri eitthvað klikkuð. En svo fór ég að afsaka að ég hefði gleymt gjafabréfinu heima og líka skilríkjum en að ég myndi númerið á gjafabréfinu. Þá kom stelpa sem er að vinna í baðhúsinu sem að ég þekki svo að ég fékk að fara í nuddið án þess að sýna hver ég væri.
Nuddið var svo ekkert smá þægilegt en ég held að einn klukkutími hafi aldrei verið jafn fljótur að líða. Væri til að fara í nudd einu sinni í viku og ég myndi gera það ef að ég myndi skíta peningum.
Fór í gær í bíó með mömmu og pabba, ódýrasta bíóferð í langan tíma kostaði bara 300 á mann. Það var nebbla tilboð fyrir háskólanema. Fórum á myndina Somethings got to give. Mjög fyndin mynd, hló ekkert smá mikið.

Dreymdi í nótt að ég væri búin í prófunum og ég væri alveg að fara út í útskiftarferðina og ég átti eftir að gera svo mikið að ég var alveg að farast úr stressi í draumnum. Svo var alveg frábært að vakna, var að minnsta kosti ekki stressuð þegar ég vaknaði en þegar ég ætlaði að opna augun þá opnaðist bara eitt og hálft auga. Ég var svo þrútin á öðru auganum að það var ekki fyndið. Það er svo gaman þegar maður lítur út eins og fílamaðurinn:(

miðvikudagur, apríl 14, 2004

Vei ég var að koma úr Inventor keppni þar sem að keppnin snerist um að vera fyrstur að teikna hlut sem að kennarinn lét okkur hafa. Það voru tveir og tveir saman í liði og ég og Danni rústuðum þessu. Vorum lang fyrst og verðlaunin eru einkunnin 9,5 og svo næsti sem að skilar fær svo 9 o.s.frv. Það er mikil spenna hérna því það eru þrjú lið að reyna að senda kennaranum verkefnin sín á sömu mínútunni. Svaka fjör í verkfræðinni;)

þriðjudagur, apríl 13, 2004

Jæja núna eru páskarnir búnir, liðu allt of hratt eins og öll önnur frí. En afmælið tókst mjög vel og vil ég þakka öllum sem komu fyrir góða skemmtun. Ég skemmti mér kannski aðeins of mikið þannig að heilsan daginn eftir var ekki sem best til að þrífa en það gekk samt. Hélt svo kökuafmæli klukkan fjögur en var samt aðeins á seinna hundraðinu með allt. Restin af páskafríinu fór í lærdóm og annað bull eins og át og svoleiðis.
Ég fékk rosa fínar afmælisgjafir, meðal annars svaka fína rauða skó (frá Óla) og fékk líka bleika gúmmískó. Svo gaf Óli mér nudd og ég get ekki beðið eftir að fara því ég hef aldrei farið í nudd. Ég fékk líka fullt af vínflöskum, eins og maður drekki nú ekki nóg fyrir;)
Mætti í gær í skólann og var svo dugleg að ég var mætt löngu áður en að skólinn opnaði. Það er nú alltaf hressandi að bíða eftir að skólinn opni. Ekki oft sem ég er komin of snemma í skólann, held reyndar að ég hafi aldrei gert það.
En best að hætta að læra því ég sá í mogganum að stærðfræðisnillingar eigi á hættu á að verða geðveikir. Þannig að best að gera eitthvað annað en að læra stærðfræði;)

þriðjudagur, apríl 06, 2004

Var með stöðukynningu á stóru verkefni sem ég er að gera í dag. Það gekk nú svo sem ágætlega en það besta var að við fengum pitsu í hádeginu,uhmmm. Strákarnir í námskeiðinu sáu um veitingarnar að þessu sinni. Algjörir snillingar í matseld. En er núna að fara að borga útskriftarferðina mína til Asíu, VEIVIEVIEVI;)
Eru ekki annars allir í stuði fyrir morgundaginn, eins gott því það verður svaka partý...... og eins gott að þið komið á dansskónum og séuð tilbúin að dansa af ykkur rassgatið. Best að fara heim og undirbúa dansgólfið og allt hitt líka:)
Sjáumst á morgun.....................................

mánudagur, apríl 05, 2004

Jæja apríl byrjaður og maður hljóp ekki fyrsta apríl sem betur fer. En núna er það bara verkefnavinna, veiveivie eða þangað til á miðvikudag. Mér finnst samt ósanngjarnt að maður fær ekki langt páskafrí eins og er í grunn- og framhaldsskólum. En fór áðan í mjög skemmtilega kringluferð ásamt Fjólu og Einari. Við fórum til að brosa og láta taka af okkur passamyndir. Thailendingarnir eru svo æstir í að fá myndir af okkur áður en við heimsækjum landið þeirra.
Hlakka til að fá páskaegg, það er svo gott með ískaldri mjólk, uhmmm;)